Tag Archives | baby shower

Ooievaarstee idee: Bennie Boekwurm

Bennie-boekwurm2

Bennie Boekwurm was deel van die Afrikaanse reeks, Wielie Walie, vanaf 1976 – 1991. So, as die mamma tydens daardie jare ‘n kind was en baie lief is vir boeke, is dit die perfekte tema vir haar. Bennie boekwurm dra altyd brille en ‘n das. So, mens kan leesbrille, dassse, boeke, wurms en alfabet letters gebruik in hierdie tema. As die mamma ‘n dogtertjie verwag, kan mens dit ook net verander na ‘n gewone boekwurm tema.

Uitnodiging idees:

  • Maak ‘n biblioteekkaartjie of ‘n boekmerk.
  • Bewoording: “‘n Nuwe boekwurmpie is oppad. Kom ons vul sy boekrak met lekker-lees boeke.”

Versiering idees:

  • Boeke, leesbrille, dasse, alfabet letters, wurms, bladsye van ou boeke, krabbel letters …

Kos idees:

  • Broodjies gesny in sirkels en teen mekaar gepak om ‘n wurmpie te maak.
  • Suurwurms en jelly wurms lekkergoed
  • Ronde vrugte op ‘n stokkie om ‘n wurm te vorm


Aktiwiteit idees:

  • Alfabet boek: Elke gas kry ‘n bladsy met ‘n letter van die alfabet wat hul moet inkleur of teken. Daarna word dit aanmekaar gesit om ‘n alfabet boek te vorm vir baba.
  • Hout alfabet letters: Gaste kan alfabet letters verf en versier vir die babakamer.
  • Hout alfabet speelblokkies: Gee vir elke gas ‘n letter en ‘n houtblokkie. Dan moet elkeen die blokkie verf volgens die letter. Aan die een kant kan hul ‘n spesiale boodskap skryf.
  • Raai die kinderboek se titel. Jy verskaf ‘n leidraad oor die boek en die gaste moet die titel raai.
  • Dasse: Elke gas bring of kry ‘n das. As iemand jou uitvang deur die dag die woord “baba” gebruik, moet jy jou das oorhandig aan daardie persoon. Die persoon met die meeste dasse aan die einde van die dag wen ‘n prys. Mens kan sommer klein dasse maak van papier en op wasgoedpennetjies plak.
  • Gaste versier hul eie boekmerk

Geskenk idees:

  • Laat elke gas ‘n kinderboek bring en ‘n spesiale boodskap voor-in skryf.
  • Boekstaanders in die babakamer se tema
  • As van die oumas ‘n duurder geskenk wil koop, kan hul selfs ‘n boekrak gee.

Gaan kyk gerus na nog boekwurm idees op my pinterest bladsy: http://www.pinterest.com/marikedesigns/party-idea-bookworm/

Comments { 0 }
POSTED IN: Creative Stationery, Event Stationery, Invitations

Tags: , , , ,

Ooievaarstee raad

ooievaarstee_tema

Beplan jy ’n ooievaarstee of babatee vir ’n toekomstige mamma? Hierso is ‘n paar riglyne …

1.PRAAT MET DIE TOEKOMSTIGE MAMMA

  • Bevestig eers vooraf met die toekomstigde mamma of sy ’n ooievaarstee wil hê. Daar is mamma’s wat nie van partytjies hou nie en ander beplan dalk eerder ’n verwelkomingspartytjie na die geboorte van die baba.
  • Kry ’n gastelys en kontakbesonderhede van die mamma.
  • Bespreek die datum en tyd met die mamma.
  • Moderne materiaal doeke begin gewild raak, so vind by mamma uit of sy materiaal- of weggooidoeke gaan gebruik. Lig die gaste ook in as sy materiaaldoeke gaan gebruik.
  • Vind uit by die mamma watter benodighede hul nog kort vir die baba.

2.BESLUIT OP ’n TEMA

  • Om volgens ’n tema te werk, help met beplanning. Dit maak die uitnodigings, versierings en kos keuses makliker.
  • Die volgende paar weke sal ek ’n paar voorbeelde van verskillende temas op my webwerf bespreek.
  • Gebruik ook Pinterest vir allerhande idees vir temas.

3.BEPLAN

  • Beplan ’n ooievaarstee waarvan die mamma sal hou, nie jy nie.
  • Swanger mamma’s raak vining moeg, so die ooievaarstee moet nie te lank wees nie.
  • Beplan die ooievaarstee ’n maand of twee voor die geboortedatum, vir ingeval babatjie besluit om vroeg te kom.
  • Beplan ’n paar speletjies of aktiwiteite vir die ooievaarstee, maar moenie speletjies kies wat die mamma en gaste ongemaklik sal laat voel nie.
  • Stuur die uitnodigings ’n maand voor die tyd uit, sodat daar genoeg tyd is vir gaste om te beplan.

4.VERSKAF GESKENK IDEES

  • Verskaf geskenk-idees aan gaste. Dis moeilik vir gaste om te raai wat die toekomstige ouers nodig het.
  • Baba’s groei vining, so verskaf riglyne aan die gaste oor watter grootte klere pas by watter seisoen.

5.KRY HULP

  • Vind uit of van die familie of vriendinne spesiale talente het waarmee hul kan help. Mense is baie keer bereidwillig om te help, maar net te skaam om aan te bied. Dalk is daar ’n fotograaf vriendin wat op die spesiale dag fotos kan neem of ’n skoonma wat lekker koekies kan bak.

Het jy al ’n ooievaarstee gereël en het jy enige wenke?

Comments { 0 }
POSTED IN: Creative Stationery, Event Stationery, Invitations

Tags: , , , ,

Project: Greeting card for a baby shower

Eenjies-kaartjie

I’ve put together a gift pack for a baby shower. It includes a duck bath toy, baby wash and a towel with ducks on it. I also designed a greeting card that fits the theme.

Comments { 0 }
POSTED IN: Creative Stationery

Tags: , ,

Project: Melissa’s baby shower invitation

Melissa is expecting a baby boy and they are decorating the babyroom with forest animals. They also decided to make this the theme for the baby shower. So I designed this invitation for them in red and blue to fit with the rest of the party decor. Congratulations Melissa! I hope the little boy is only going to bring joy and happiness into your lives.

Melissa_ShowerInvite_lowres_withoutbleed

Comments { 0 }
POSTED IN: Event Stationery, Invitations

Tags: ,